ALGEMEEN

1. Landbouprodukte, kos en handgemaakte artikels word as die hoof kriteria van toelating by die mark gebruik. Die bestuur kan egter met diskresie ander produkte toe laat.
2. Indien jou aansoek goedgekeur word mag jy slegs die produkte wat in jou aansoek gelys is verkoop. Enige toevoegings vereis skriftelike toestemming.
3. Jy moet aan alle wetlike voorskrifte, regulasies en gesondheid voorwaardes voldoen.
4. Kwaliteit van jou produk – wees trots daarop. Klagtes van klante sal deur die stalletjie houer opgelos word sonder inmenging van die bestuur.
5. Kragopwekkers sal alleenlik toegelaat word in geval van kragonderbrekings. Indien die geraas daarvan buitensporig is mag die bestuur die gebruik daarvan verbied.
6. Reklame en bemarkingsmateriaal mag nie in die strate geplaas word of enige verkeer van mense belemmer nie.

TOEKENNING VAN STALLETJIE

7. Indien jou aansoek goedgekeur is, sal jy skriftelik versoek word om na die kantoor te kom om na die beskikbare ruimte te kom kyk op 'n Saterdag.
8. Geen betalings moet voordat jou aansoek goedgekeur is gemaak word nie.

FOOIE

9. R500.00 intree fooi is betaalbaar wat onder geen omstandighede terugbetaalbaar is nie.
10. R1 324.80 (BTW ingesluit)per maand is vooruit betaalbaar. Die fooi is betaalbaar of jy die stalletjie elke Saterdag okkupeer of nie.
11. EFT betalings kan gemaak word in die Boeremark se rekening: Pretoria Boeremark - FNB – 62383915629 - 250655
12. Fakture sal op die 1ste van elke maand gegenereer word en ge-epos word.
13. Versuim om enige fooi betyds te betaal het die gevolg dat die kontrak onmiddellik gekanselleer kan word, sonder enige kennisgewing.

VOERTUIE

14. Geen voertuie word toegelaat om op die terrein te beweeg tussen 5:30 en 9:30 nie.
15. Alle voertuie moet parkeer word in die aangewese areas.
16. Geen voertuig mag op die terrein vinniger as 15 km/h ry nie. Let op eenrigting verkeer: in by Morelettastraat en uit by Krigestraat.

STALLETJIE

17. Eie stoele tafels ens. moet voorsien word. Uitstallers mag nie die stoele of tafels van die boeremark vir hul stalletjies gebruik nie.
18. Stalletjies moet skoon en netjies agter gelaat word.
19. Geen Boeremark personeel mag aangewend word vir die algemene onderhoud van die stalletjies tydens weeksdae werksure of tydens Saterdag werksure nie. Geen werk word op Sondae toegelaat nie.
20. Waar elektrisiteit beskikbaar is sal 'n fooi van R150.00 per maand vooruit betaalbaar weer vir gebruik vir ligte/ selfoon laaier of kaart masjien laaier. Vir enige ander toestel word ‘n tarief bereken en skriftelik ooreengekom vir betaling per maand.
21. Jou stalletjie mag onder geen omstandighede onderverhuur word of gedeel word met iemand anders nie.

OPRIGTING VAN STRUKTURE

22. Neem kennis dat 'n groot gedeeltes van die Boeremark terrein onder die 100 jaar vloedlyn is en dat water moontlik deur die terrein kan loop.
23. Toestemming moet by die Bestuur verkry word vir die oprigting van 'n struktuur.
24. Die plekke waar pale geplant word sal deur bestuur aangetoon word.
25. Strukture moet verkieslik van hout wees en 'n dak wat groen OF bruin is. Enige ander materiaal moet vooraf goedgekeur word.
26. Geen elektrisiteit mag aangelê word sonder die bestuur se goedkeuring nie.
27. Die inprop vir krag by bure is verbode.
28. Indien jy nie meer die stalletjie ruimte kan/wil huur nie, en daar is nog uitstaande skuld teenoor Pretoria Boeremark, behou die Boeremark die reg voor om die struktuur te verkoop om die skuld te verhaal.
29. Tot tyd en wyl die struktuur of verkoop of verwyder is, moet die huur daarvan steeds betaal word.